“Монголын Ипотекийн Корпораци ОССК” ХХК (MИK OCCK ХХК) 500 хүртэлх сая ам.долларын бонд гаргахаар төлөвлөж байгааг “Bloomberg” мэдээллээ. Бондын санхүүжилтийг Монголын арилжааны банкнуудын шаардлага хангасан ипотекийн зээлийг багцлан худалдан авч санхүүжүүлэхэд голчлон зарцуулна гэж тус компанийн зүгээс мэдээлсэн байна.

Санхүүгийн зөвлөхөөр “Delphos International” ажиллаж, санхүүгийн бүтэц, нөхцөлийг боловсруулахад зөвлөмж гаргах, хэмжээ, хугацаа, хүү зэрэг нөхцөлийг тодорхойлоход дэмжлэг үзүүлэхээр байна.

Харин бондын үндсэн борлуулалтыг “Adamant Capital Partners” хариуцан ажиллаж, олон улсын мэргэжлийн хөрөнгө оруулагчидтай холбох, бондын хуваарилалт, байршуулалтын үйл явцыг зохион байгуулах юм. Мөн “МИК Холдинг” ХК бондод баталгаа гаргах юм байна.