(Bloomberg) -- Холбооны Нөөцийн банк ирэх сард болох хурлаараа бодлогын хүүг өсгөнө гэсэн хүлээлт өндөр байгаа энэ үед алтны үнэ унц нь 4000 ам.долларын босгоос уналаа.

Сүүлийн байдлаар алтны ханш 0.4 хувиар суларч, унц нь 3970 ам.доллар орчимд арилжаалагдаж байна. Үүнээс өмнөх арилжаагаар нэг гаруй хувиар буурсан юм.

Арилжаанд оролцогчид бодлогын хүү 0.25 нэгж хувиар нэмэгдэх магадлалыг бүрэн үнэлгээндээ тусгаад буй. Зарим шинжээчид бүр 0.5 нэгж хувиар өсгөх боломжтой гэж үзэж байна. Ингэснээр богино хугацааны бодлогын хүүгийн өөрчлөлтөд мэдрэг АНУ-ын Засгийн газрын хоёр жилийн хугацаатай бондын өгөөж мягмар гарагт 18 суурь нэгжээр өсжээ.

Мөн “Bloomberg Dollar Spot Index” нэг орчим хувиар чангарсан нь алтны үнэд дарамт болж байна.