(Bloomberg) -- АНУ-ын дотоодын нийт бүтээгдэхүүний өсөлт ирэх долоо хоногт болох завсрын сонгуулийн өмнө эрчимжсэн ч инфляц өндөр түвшинд байгаа нь америкчуудад эдийн засгийн нөхцөл байдлыг хэрхэн мэдрэгдэхэд нөлөөлөхөөр байна.

III улиралд АНУ-ын эдийн засаг сүүлийн нэг жилийн хамгийн өндөр дүнгээр тэлсэн юм. Үүнд бизнесийн хөрөнгө оруулалт эрс нэмэгдэж, хэрэглэгчдийн зарцуулалт тогтвортой байсан нь голлон нөлөөлжээ. Тайлант хугацаанд хэрэглэгчдийн зарцуулалт 3.8 хувиар нэмэгдсэн нь хоёр улирал дараалсан өсөлт болж байна. 

Түүнчлэн дата төв, хиймэл оюуны хөрөнгө оруулалтаас гадна үйлдвэрлэлийн, бусад тоног төхөөрөмжийн зардал өссөнөөр бизнесийн хөрөнгө оруулалт 2020 оноос хойших хамгийн огцом дүнгээр тэлжээ. Хэдий тийм боловч амьжиргааны өртөг сонгуулийн гол асуудлуудын нэг болоод буй энэ үед инфляцын нэг чухал үзүүлэлт болох хувийн хэрэглээний зардлын үнэ 3.6 хувиар өссөн нь сүүлийн зургаан сарын хамгийн өндөр дүн боллоо.

АНУ-ын инфляц сүүлийн зургаан сарын турш цалингийн өсөлтийг давж байгаа аж. Ялангуяа бага  орлоготой өрхүүд өргөн хэрэглээний бараа, үйлчилгээний үнэ өссөнөөс үүдэн илүү их дарамтад орж байна.