(Bloomberg) -- Хиймэл оюуны хөрөнгө оруулалтаа санхүүжүүлэхээр 98 тэрбум ам.доллар босгохыг зорьж буй “Meta Platforms” энгийн хувьцааны саналын хэмжээгээ нэмэгдүүлж, 25 тэрбум ам.доллар хүргэлээ. Хэдий тийм боловч хөрөнгө оруулагчдын эрэлт өндөр байснаас захиалгын хэмжээ санал болгосон дүнгээс нь тав дахин давсан байна.

Санал болгосон энгийн хувьцааны 50-иас дээш хувийг урт хугацаанд эзэмших стратегитай хөрөнгө оруулагчид болон тус компанийн одоогийн хувьцаа эзэмшигчдэд хуваарилжээ.

Нэгж хувьцааны үнийг 625 ам.доллароор тогтоосон нь баасан гарагийн хаалтын ханшаас 2.7 хувиар доогуур үзүүлэлт болж байна.

“Meta Platforms” татан төвлөрүүлсэн хөрөнгөө хиймэл оюуны дэд бүтэц болон хувь хүнд зориулсан супер оюун ухаан хөгжүүлэхэд зарцуулахаа мэдэгджээ.