(Bloomberg) -- Индонез дахь БНХАУ-ын үйлдвэрлэгчид олборлолтоо харилцан уялдаатайгаар танаж магадгүй гэсэн хүлээлт үүссэнээр никелийн үнэ дөрөв дэх өдрөө дараалан өслөө.

Лхагва гарагт Лондоны Металлын биржид никелийн фьючерс үнэ 2.9 хүртэл хувиар өсөж, тонн нь 16 мянган ам.доллар давсан байна. Ингэснээр аравдугаар сарын 15-нд сүүлийн есөн сарын доод түвшинд хүрснээс хойших өсөлтөө үргэлжлүүллээ.

БНХАУ-ын никелийн хэд хэдэн томоохон уурхайн удирдлагууд Индонез дахь олборлолтоо бууруулах боломжийг хэлэлцэж байгаа аж. Үүнд цэнэг хураагуурын үйлдвэрлэлийн гол түүхий эдийг нийлүүлдэг үйлдвэрүүд ч багтаж байна.