(Bloomberg) -- БНХАУ-ын “Zhejiang Geely Holding” групп өрсөлдөгч “Nio” компанийн цэнэг хураагуур солих үйлчилгээний нэгжийн 30 хувийг худалдаж авахаар боллоо. Ингэснээр “Geely” БНХАУ-ын цэнэг хураагуур солих станцын хамгийн том сүлжээг ашиглах боломжтой болох ба хэлцлийн хүрээнд тус нэгжийг 2.4 тэрбум ам.доллароор үнэлсэн байна.

“Nio”-ийн даваа гарагт гаргасан мэдэгдэлд дурдсанаар “Geely” цэнэг хураагуур солих бизнесээ тус нэгжид нэгтгэж, 95 сая ам.доллар бэлнээр төлнө. Мөн “Geely” суудлын болон арилжааны зориулалттай автомашиндаа “Nio”-ийн цэнэг хураагуур солих технологийг нэвтрүүлэх талаар талууд хэлэлцэж буйг тодотгосон байна.

Энэхүү түншлэлээр “Nio” шинэ санхүүжилт татахын зэрэгцээ өндөр өртгөөр байгуулсан цэнэг хураагуур солих сүлжээгээ “Geely”-ийн автомашинуудад нээлттэй болгож, ашиглалтыг нь нэмэгдүүлэх боломжтой. Харин энэ оны эхний найман сард БНХАУ-д 1.25 сая автомашин борлуулсан “Geely” өрсөлдөгч сүлжээг шинээр байгуулахгүйгээр “Nio”-ийн бэлэн технологи, дэд бүтцийг ашиглан дээрх үйлчилгээг автомашинууддаа өргөжүүлэх боломжтой болж байна.

Даваа гарагт Хонконгийн биржид компаниудын хувьцааны ханш ногоон бүсэд арилжааг эхлүүлсэн байна.