18-аас доош насны хүн скутер, мопед, тэдгээртэй адилтгах үзүүлэлттэй тээврийн хэрэгсэл жолоодож замын хөдөлгөөнд оролцохыг хориглох заалтыг Замын хөдөлгөөний аюулгүй байдлын тухай хуульд тусгаад байгаа бөгөөд энэхүү хуулийн төслийн эцсийн хэлэлцүүлгийг хийж, эцэслэн батлах бэлтгэл хангуулахаар холбогдох байнгын хороонд шилжүүллээ.

Хууль батлагдсанаар зургаадугаар сарын 30-аас эхлэн дагаж мөрдөнө. 18-аас дээш насныхан жолооны сургалтад хамрагдсанаар скутер, мопедыг дугуйн зам болон зорчих хэсгийн баруун хөвөөгөөр жолоодож, замын хөдөлгөөнд оролцоно. Явган хүний гарцаар эдгээр тээврийн хэрэгслийг унаж гарахыг хориглох юм.

Үүнтэй холбоотойгоор скутер, мопедын түрээсийн үйлчилгээ эрхэлдэг аж ахуйн нэгжүүд техникийн зохицуулалт, үйлчилгээний нөхцөлөө өөрчилж хуульд нийцүүлэх, мөн хариуцлагын даатгалд хамрагдах шаардлагатай болж байна.