(Bloomberg) -- АНУ-ын Ерөнхийлөгч Дональд Трамп энэ долоо хоногт БНХАУ-д айлчлах бөгөөд тус улсын Ерөнхийлөгч Ши Жиньпинтэй хийх уулзалтын яриа хэлэлцээний гол сэдэв нь Ираны дайн биш гэж мэдээллээ.  

Мөн тэрбээр “Ирантай хийж буй дайнд АНУ энхийн замаар, эсвэл хүч хэрэглэн заавал ялалт байгуулах”-ыг онцолжээ. Түүнчлэн “Дайныг эцэслэхэд БНХАУ-ын тусламж шаардлагагүй” гэж мэдэгдэв.

Харин АНУ-аас Тайваньд зэвсэг нийлүүлэх асуудлыг хэлэлцэхээ Дональд Трамп илэрхийлээд байна.

АНУ болон холбоотон орнууд Ираны эсрэг НҮБ-ын Аюулгүйн Зөвлөлийн тогтоолын төсөл боловсруулж байгаа аж. Үүнд Ираныг арилжааны хөлөг онгоцнуудын эсрэг халдлага, заналхийллээ зогсоохыг сануулж, биелүүлээгүй тохиолдолд НҮБ-ын дүрмийн VII бүлэгт заасны дагуу хүч хэрэглэх болон хориг арга хэмжээ авахыг зөвшөөрөхөөр тусгажээ.

Үүнээс гадна Ойрх Дорнодын дайны эхэн үеэр Арабын Нэгдсэн Эмират улс Иран улсад удаа дараа хариу цохилт өгч байсан гэж “Wall Street Journal” мэдээлсэн байна. Тодруулбал: АНУ, Израил болон Иран дөрөвдүгээр сарын наймны өдөр гал зогсоох тохиролцоонд хүрэхээс өмнө Арабын Нэгдсэн Эмират улс нь Иран улсад хэд хэдэн удаа цохилт өгсөн гэж эх сурвалжууд мэдээлжээ.