(Bloomberg) -- Зэсийн ханш мягмар гарагт Лондоны Металлын биржид тонн нь 14 мянган ам.доллар давлаа. Тодруулбал: зэсийн үнэ 1.2 хувиар өсөж, тонн нь 14,106 ам.доллар хүрээд байна. Энэ нь нэгдүгээр сард тогтоосон бүх цаг үеийн дээд түвшин болох 14,500 ам.доллартой ойролцоо түвшин болж буй.

Ираны дайны үр дагавар дэлхийн эдийн засгийн өсөлтийг хойш татах төлөвтэй байгаа ч БНХАУ-ын эрэлт сэргэж, нийлүүлэлттэй холбоотой эрсдэл нэмэгдсэн нь зэсийн үнийг дэмжиж байна.

Он гарсаар зэсийн ханш 13 хувиар чангараад байгаа юм. Хиймэл оюуны тэсрэлтээс гадна Африкаас Индонез хүртэлх томоохон уурхайнуудад үүссэн нийлүүлэлтийн тасалдал нь зэсийн үнийн өсөлтийг тогтвортой хадгалж байна.