(Bloomberg) -- Японы эдийн засаг 2025 оны IV улиралд үл ялиг өсөлт үзүүлж, өмнөх улирлын огцом агшилтаасаа эргэн сэргэлээ. Энэ нь сонгуулиар түүхэн ялалт байгуулсан Санаэ Такаичигийн хэрэгжүүлж буй идэвхтэй төсвийн бодлого үр дүнгээ өгч буйн илрэл болж байна.

2025 оны сүүлийн улиралд Японы дотоодын нийт бүтээгдэхүүн өмнөх оны мөн үеэс 0.2 хувиар өсжээ. Энэ нь 1.6 хувиар тэлнэ гэсэн эдийн засагчдын дундаж төсөөлөлтэй харьцуулахад хангалтгүй үзүүлэлт боллоо.

Дотоодын нийт бүтээгдэхүүнд гол жин дардаг хэрэглэгчдийн зарцуулалт ердөө 0.1 хувиар өссөн нь инфляцын улмаас дотоодын эрэлт тааруу байгаагийн илрэл болж байна. Японд инфляц 2025 он дуусталх дөрвөн жилийн хугацаанд Төв банкных нь зорилтот интервал болох хоёр хувиас дээгүүр түвшинд хадгалагдаж байгаа юм.