(Bloomberg) -- Австралийн эдийн засгийн сэргэлтэд чухал нөлөөтэй “Rio Tinto” болон “BHP Group”-ийн санхүүгийн тайлан ирэх долоо хоногт гарах товтой байна.

Түүхий эдийн үнийн өсөлтийн ачаар уул уурхайн хоёр том компанийн орлогын үзүүлэлт аль аль нь хүлээлтийг давах төлөвтэй байна гэж “Bloomberg Intelligence”-ийн шинжээчид мэдээллээ.

“Rio Tinto”-ийн тайлан нь тус компани “Glencore”-ийг худалдан авах хэлцлийг орхисноос хойш хоёр долоо хоног ч хүрэхгүй хугацааны дараа танилцуулагдахаар байгаагаараа онцлог.

“Wilsons Advisory”-ийн шинжээчид “Rio Tinto”-ийн орлогын гол эх үүсвэр болох төмрийн хүдрээс гадна ялангуяа зэсийн олборлолтынх нь өсөлтөд ч анхаарах хэрэгтэйг онцолж байна.

Индонез, Өмнөд Америкийн нийлүүлэлт тасалдсаны улмаас зэсийн үнэ 2025 онд эрчимтэй өссөн юм.

Зэсийн ханш пүрэв гарагт хоёр хувиар унасан ч баасан гарагт Лондоны Металлын биржид зэсийн гурван сарын фьючерс гэрээний үнэ тонн нь 13 мянган ам.доллар дөхлөө.