Ням гарагт Турк улсад Ерөнхийлөгчийн сонгуулийн санал хураалт боллоо. Одоогоор нийт саналын 99 хувь нь тоологдоод буйг тус улсын Төрийн өмчит “Anadolu” агентлаг мэдээлэв. Урьдчилсан дүнгээр Режеп Тайип Эрдоан нийт саналын 49.49 хувийг авсан бол түүний гол өрсөлдөгч Кемал Киличдароглу 44.79 хувийн, гурав дахь нэр дэвшигч Синан Оган 5.3 хувийн санал аваад байна.

Хэрвээ нэр дэвшигчдийн хэн нь ч нийт саналын 50 хувийг авч чадаагүй тохиолдолд хамгийн олон санал авсан нэр дэвшигчид тавдугаар сарын 28-нд дахин өрсөлдөнө.

Турк улсын одоогийн Ерөнхийлөгч Режеп Тайип Эрдоан сонгуульд өрсөлдөгч Кемал Киличдароглуг 2.6 сая саналаар түрүүлж яваагаа мэдээлжээ. Хэдий тийм боловч сонгуулийн эхний шатанд ялалт байгуулж чадна гэдэгтээ бүрэн итгэлтэй биш буйгаа тодотгосон байна.