Европын Парламент уламжлалт хөдөлгүүрт автомашины үйлдвэрлэлийг үе шаттайгаар зогсоох төлөвлөгөөг дэмжлээ.

Европын Холбооны гишүүн орнуудын өнгөрсөн онд боловсруулсан төлөвлөгөөг Европын Парламент баталснаар 2035 он гэхэд автомашин үйлдвэрлэгчдийг хүлэмжийн хийн ялгарлыг тэнцвэржүүлэх зорилтдоо хүрэхийг шаардахаар болж байгаа аж. Хэлцлийн дагуу компаниудыг бохирдлоо энэ 10 жилд 55 хувиар бууруулахыг шаардана. Төлөвлөгөөг баталснаар хүлэмжийн хий ялгаруулдаггүй автомашин худалдан авахад илүү хямд болохыг онцолж байна.

Авто тээвэр нь Европын Холбооны хүлэмжийн хийн ялгарал өндөртэй салбарын нэгт тооцоогддог. Европт “Volkswagen”, “Mercedes-Benz” зэрэг томоохон автомашин үйлдвэрлэгчид үүссэн гэдэг утгаараа Европын Холбооны шийдвэр олон улсад жишиг тогтооно гэж шинжээчид үзэж байгаа аж. Европын Комисс ойрын өдрүүдэд мөн хүнд оврын автомашины үйлдвэрлэлийг чиглэсэн үүнтэй адил журам танилцуулж магадгүй байгаа юм.