ОХУ-ын Ерөнхийлөгч Владимир Путин болон БНХАУ-ын Ерөнхийлөгч Ши Жиньпин нар Москвад уулзах үедээ Монголоор дамжин өнгөрөх “Сибирийн хүч-2” хийн хоолойн төслийн асуудлыг хөндсөн ч тодорхой хэлцэлд хүрсэнгүй.

Хамтарсан мэдэгдэлд хийн хоолой байгуулах төлөвлөгөөг судлах, тохиролцоонд хүрэхээр хүчин чармайлтаа нэмэгдүүлэхийг дурджээ. Хэдий тийм боловч төслийн хэрэгжилтийн талаар илүү дэлгэрэнгүй мэдээлэл өгөөгүй нь анхаарал татаж байна.

Владимир Путин мэдэгдлийнхээ үеэр ОХУ БНХАУ-д 2023 онд хамгийн багадаа 98 тэрбум шоо метр байгалийн хий нийлүүлэхээ амлажээ. Шинэ хийн хоолой ашиглалтад орж байж л энэ амлалтдаа хүрэх боломжтойг шинжээчид онцолж байна. Харин Ши Жиньпиний хувьд энэ асуудлаар тодорхой байр суурь илэрхийлсэнгүй.

Ши Жиньпин ОХУ-ын Ерөнхий сайд Михаил Мишустинтэй уулзах үедээ түүнийг БНХАУ-д айлчлахыг урьсан байна. Мөн БНХАУ цаашид ОХУ-тай стратегийн хамтын ажиллагаагаа үргэлжлүүлэхийг онцолжээ.