
Зургийг: Anindito Mukherjee/Bloomberg
(Bloomberg) -- 2026 оны эхээр алтны үнэ ердөө нэг сарын дотор 30 гаруй хувиар өсөж, түүхэн дээд цэгээ шинэчилсэн ч дахин энэ түвшинд хүрэхэд хоёр жил шаардагдаж магадгүй гэж “Goldman Sachs”-ийн шинжээчид үзэж байна.
Холбооны Нөөцийн банк мөнгөний бодлогоо үргэлжлүүлэн чангаруулах төлөвтэй байгаа нь аливаа хүүгийн өгөөж өгдөггүй алтны ханшид дарамт болж, ойрын хугацаанд хэлбэлзэл өндөр хэвээр байхыг тус банк анхаарууллаа. Харин АНУ-ын Төв банк бодлогын хүүгээ эргээд бууруулж эхэлмэгц биржээр арилжаалагддаг сангуудын эрэлт сэргэснээр алтны үнэ 2028 оны эцэс гэхэд унц нь 5600 ам.доллар хүрнэ гэж тооцоолжээ.

Алтны үнэ нэгдүгээр сарын эцсээр унц нь 5600 орчим ам.доллар хүрч, бүх цаг үеийн дээд түвшнээ тогтоосноос хойш энэ онд тааруу гүйцэтгэлтэй байгаа юм. Хиймэл оюуны хөрөнгө оруулалтын эрсдэл, бондын өгөөжийн огцом өсөлт болон бодлогын хүүгийн хүлээлт алтны эрэлтийг сулруулснаар үнэ нь он гарсаар бараг 11 хувиар буураад буй. Ингэснээр сүүлийн 10 гаруй жилийн хамгийн уналттай жилээ үдэх төлөвтэй байна.
Даваа гарагт алтны ханш 0.7 хувиар суларч, 2025 оны есдүгээр сараас хойших доод түвшинд хаагдлаа. Сүүлийн байдлаар бараг өөрчлөлтгүй, унц нь 3855 ам.доллар орчимд хадгалагдаж байна.