(Bloomberg) -- АНУ-ын завсрын сонгуулийн дараа ам.долларын ханш суларч, АНУ-ын Засгийн газрын бондуудын өгөөж буурснаар алтны үнэ долоо хоногийн дүнгээр наймдугаар сараас хойших хамгийн өндөр өсөлтөө үзүүлэх төлөвтэй байна.

Энэ долоо хоногт тав гаруй хувиар чангарсан алтны ханш сүүлийн байдлаар унц нь 4100 ам.доллар давлаа. Хэдий тийм боловч  зарим хөрөнгө оруулагч хувьцааны зах зээл дэх алдагдлаа нөхөхийн тулд алтаа зарснаар үнийн өсөлт тодорхой хэмжээгээр саарчээ.

Сонгогчдын олонх нь дата төвүүдийг эсэргүүцэж буйгаа илэрхийлснээр пүрэв гарагт АНУ-ын технологийн компаниудын хувьцааны ханш эрс унасан байна. Ингэснээр арилжаанд оролцогчид аюулгүй хөрөнгө болох АНУ-ын Засгийн газрын бондууд руу шилжсэнээр өгөөж нь буурч байна.