Роберт Фридландын “Ivanhoe Mines” компани Бүгд Найрамдах Ардчилсан Конго улс дахь “Kamoa-Kakula” зэсийн уурхайн 2027 оны олборлолтын төсөөллөө энэ онд хоёр дахь удаагаа таналаа. Мөн зардлын тооцооллоо өсгөж, сүүлийн жилүүдэд ашиглалтад орсон хамгийн том зэсийн уурхайн үйлдвэрлэлийг сэргээх хугацааг сунгаж байна.

Тус компани 2027 онд 300-350 мянган тонн зэс олборлохоор тооцоолжээ. Үүнтэй харьцуулахад өмнөх төсөөлөл нь 380-420 мянган тонн буюу дунджаар 75 мянган тонноор өндөр байсан аж.

Канадын "Ivanhoe Mines” компани дизель түлшний үнэ удаан хугацаанд өндөр хэвээр байгаа, хүдрийн агуулга буурсан болон үйлдвэрлэл багассаныг харгалзан нэг фунт зэс үйлдвэрлэх бэлэн мөнгөний зардлын төсөөллөө  2.50-3.00 ам.доллар болгон өсгөсөн байна.