(Bloomberg) -- АНУ-ын Засгийн газрын бондуудын өгөөж өсөж, эдийн засгийн үзүүлэлтүүд эерэг гарснаар ам.долларын ханш сүүлийн нэг сар дахь хамгийн өндөр дүнгээр чангарлаа.

Хөрөнгө оруулагчид ам.долларын ханшийн төлөвийг тодорхойлохын тулд Ойрх Дорнод дахь нөхцөл байдлыг анхааралтай ажиглаж буй.

АНУ-ын завсрын сонгууль тохиосон мягмар гарагт “Bloomberg”-ийн ам.долларын индекс 0.3 хувиар өссөн нь аравдугаар сарын нэгний өдрөөс хойших хамгийн өндөр өсөлт боллоо.

Ам.долларын индекс өнгөрсөн сард хүрсэн 2026 оны дээд түвшиндээ дахин ойртоод байгаа юм. Энэ долоо хоногийн арилжаанаас харахад газрын тосны үнэ болон АНУ, Ираны мөргөлдөөнийг намжаах хүчин чармайлтын талаарх таамаглал нь ойрын өдрүүдэд ам.долларын ханшид голлон нөлөөлөхөөр байна.