(Bloomberg) -- Австралид орон сууцны үнэ долоо дахь сардаа дараалан буурлаа. Түүнчлэн сүүлийн 40 жилийн хугацааны хамгийн өндөр дүнгээр буурах төлөвтэй байгааг “Cotality” судалгааны байгууллага мэдээлэв. Энэ нь энэ долоо хоногт Австралийн Төв банк бодлогын хүүгээ дахин өсгөх хүлээлттэй байгаа үед тохиож байна.

Даваа гарагт “Cotality” байгууллага тус улсын томоохон хотуудын орон сууцны үнийн индекс аравдугаар сард 1.4 хувиар буурснаар сүүлийн долоон сарын хугацаанд нийт 8.1 хувиар буурсныг тооцоолжээ.

Австралийн Төв банк инфляцыг 2-3 хувийн зорилтот түвшинд буцаан хүргэхийн тулд энэ онд бодлогын хүүгээ дөрвөн удаа нэмэгдүүлээд байна. Өнгөрсөн долоо хоногт инфляц шинжээчдийн хүлээлтээс өндөр гарсан нь мягмар гарагт бодлогын хүүг дахин өсгөх магадлалыг дэмжиж байна.

Энэ нь мөнгөний бодлогын гол хөдөлгөгч хүчний нэг болох орон сууцны зах зээлд ирэх дарамтыг улам нэмэгдүүлж буйг тодотголоо.