(Bloomberg) -- БНХАУ-ын автомашин үйлдвэрлэлээр тэргүүлэгч BYD компанийн экспортын өсөлт дотоодын зах зээлийнх нь эрэлтийн бууралтыг нөхсөн байна. Ингэснээр тус компанийн борлуулалт зургаа дахь сардаа дараалан өслөө.

Ням гарагт мэдээлснээр аравдугаар сард BYD-ийн суудлын автомашины борлуулалт 11 хувиар өссөн байна. Энэ нь дотоодын зах зээл дэх нийлүүлэлт буурснаас гадна экспорт хоёр дахин өссөнтэй холбоотой аж.

Даваа гарагт Хонконгийн Хөрөнгийн биржид тус компанийн хувьцааны ханш өсжээ. БНХАУ-ын автомашины гадаад зах зээлийн эрэлт тогтвортой байгаа нь дотоодын зах зээлийн удаан үргэлжилж буй уналтын талаарх болгоомжлолыг намжаахад нөлөөлж байна.

Хэдий тийм боловч BYD-ийн өнгөрсөн долоо хоногт танилцуулсан санхүүгийн тайланд орлого болон ашгийн үзүүлэлтүүд нь шинжээчдийн таамагт хүрээгүй юм. Энэ нь экспортын өсөлт хөрөнгө оруулагчдын хүлээлтийг бүрэн хангаж чадаагүйг илтгэлээ.