(Bloomberg) -- БНХАУ-ын хиймэл оюуны салбарын гол тоглогч “DeepSeek” агентын дэд бүтцийнхээ хэрэглээний өсөлтийг харуулсан анхаарал татахуйц тоон мэдээллийг танилцууллаа. Тодруулбал: Ханжоу хотод төвтэй тус стартап ням гарагт нээлттэй эхийн агентын аппликейшн “DeepSeek Harness”-ийг өдөр тутам идэвхтэй ашигладаг хэрэглэгчдийн тоо 11 дүгээр сарын дөрвөний өдрийн байдлаар 1.54 сая хүрснийг мэдээлжээ. Энэ нь наймдугаар сард тус аппликейшныг анх нэвтрүүлснээс хойш гурван сар ч хүрэхгүй хугацаанд гарсан өсөлт юм.

Өнгөрсөн онд хямд өртөгтэй "R1" загвараараа Цахиурын хөндийнхнийг гайхшируулсан “DeepSeek” салбарын дараагийн томоохон чиглэл болох хиймэл оюуны агентын дэд бүтцэд хүч үзэж байна. Энэ нь хиймэл оюунд хэрэглэгчийн өмнөөс бие даан үйлдэл хийх боломж олгодог программ хангамж юм.