(Bloomberg) -- Хиймэл оюуны чипийн хүчтэй эрэлтийн ачаар III улиралд “Samsung Electronics”-ийн цэвэр ашиг өмнөх оны мөн үеэс зургаа дахин өслөө. Дэлхийн тэргүүлэх санах ойн чип үйлдвэрлэгчийн цэвэр ашиг 75.13 их наяд вон буюу 56.2 тэрбум ам.доллар хүрсэн нь түүхэн дээд үзүүлэлт болж байна.

Үүнээс хагас дамжуулагчийн нэгжийн ашиг нь 15 дахин өссөн ч шинжээчдийн таамгаас ялимгүй доогуур гарснаар хиймэл оюуны салбарын талаарх өөдрөг хүлээлтийг тодорхой хэмжээнд сулрууллаа.

Тайлант хугацаанд “SK Hynix” болон АНУ-ын “Micron Technology”-той өрсөлддөг тус нэгж 106.5 их наяд вон буюу 80 тэрбум ам.долларын үйл ажиллагааны ашигтай ажилласан байна. Үүнтэй харьцуулахад шинжээчдийн дундаж таамаг 108.5 их наяд вон байжээ.

Энэхүү хүлээлтээс доогуур үзүүлэлт нь “Samsung Electronics”-д HBM4 зэрэг дэвшилтэт санах ойн чипийн салбарт ахиц гаргаж байгаагаа харуулах шаардлагыг нэмэгдүүлж байна.