(Bloomberg) -- “Paramount Skydance” компанийн “Warner Bros Discovery”-ийг худалдан авах хэлцлийг санхүүжүүлэх 52 тэрбум орчим ам.долларын өрийн синдикат санхүүжилтийг банкнууд бүрдүүлж дууслаа.

Тус компани ам.доллароор нэрлэсэн хөрөнгө оруулалтын зэрэглэлийн 30 тэрбум ам.долларын бонд, 12.4 тэрбум ам.доллартой дүйх спекулятив бонд, 9.46 тэрбум ам.долларын зээлийн санхүүжилт босгосныг эх сурвалжууд мэдээлсэн байна.

Санхүүжилтийн багц дахь хамгийн урт хугацаатай буюу 2066 онд төлөгдөх хөрөнгө оруулалтын зэрэглэлтэй бонд хөрөнгө оруулагчдад бараг есөн хувийн өгөөж олгоно.

Дэлхийн хэмжээнд инфляцын болгоомжлол нэмэгдэж, санхүүжилтийн өртөг өссөнтэй холбоотойгоор гурван сарын өмнө бус энэ долоо хоногт зээл авсан нь компанийн жилийн хүүгийн зардлыг хэдэн зуун сая ам.доллароор нэмэгдүүлэхээр байна.