(Bloomberg) -- Лхагва гарагт газрын тосны үнэ эрс өссөний дараа удалгүй тогтворжлоо. НҮБ-ын Ерөнхий ассамблейн чуулганаар Иран улсын Ерөнхийлөгч АНУ-ыг шүүмжилсэн мэдэгдэл хийсний дараа өмнөх арилжаагаар брент төрлийн газрын тосны ханш бараг дөрвөн хувиар чангарсан юм. Харин сүүлийн байдлаар газрын тосны үнэ 0.5 хувиар буурч, баррель нь 102 ам.доллар болоод байна.

Түүнчлэн WTI төрлийн газрын тосны ханш үүнтэй адил хэмжээгээр суларснаар баррель нь 91 ам.доллар орчимд хадгалагдаж байна.

Ормузын хоолойгоор өдөрт дунджаар 17 сая баррель газрын тос тээвэрлэгдэж байгааг АНУ-ын Сангийн сайд Скотт Бессент мэдээллээ. Хэдий тийм боловч “Clarksons Research” зэрэг салбарын судалгааны байгууллагууд үүнээс хоёр дахин бага буюу өдөрт найман сая баррель газрын тос нийлүүлэгдэж байна гэж тооцоолж байгаа юм.