(Bloomberg) -- Сүүлийн нэг сар орчим хугацааны хамгийн өндөр дүнгээр унасны дараа алтны ханш тогтворжлоо. Ормузын хоолойн нөхцөл байдал гацаанд орж, бондууд уналтад орсон нь үнэт металлын төлөвт сөргөөр нөлөөлж байна.

Өмнөх арилжаагаар хоёр орчим хувиар суларсны дараа алтны ханш сүүлийн байдлаар 0.2 хувиар чангарч, унц нь 4343 ам.долларт тогтворжлоо. Харин мөнгөний үнэ 0.5 хувиар өссөнөөр унц нь 63 ам.доллар хүрээд байна.

Мягмар гарагт АНУ-ын Засгийн газрын 30 жилийн хугацаатай бондын өгөөж бараг 20 жилийн дээд түвшинд хүрсэн юм. Мөн 10 жилийн хугацаатай бондын өгөөж нь 2025 оноос хойших дээд түвшиндээ ойртоод буй. Бондуудын өгөөж өсөх нь аливаа хүүгийн ашиг өгдөггүй алтны ханшид сөргөөр нөлөөлдөг байна.