(Bloomberg) -- Алтны үнэ сүүлийн хоёр өдөр дараалан өссөний дараа унц нь 4400 ам.доллартой ойролцоо түвшинд тогтворжлоо. Холбооны Нөөцийн банк бодлогын хүүгээ  өсгөх магадлал багассанаар ам.долларын ханш суларсан нь ихэнх арилжаачдын үнэт металл худалдан авах өртгийг бууруулаад байна.

Өмнөх хоёр өдрийн арилжаагаар 1.5 хувиар өссөний дараа алтны ханш сүүлийн байдлаар 0.4 хувиар суларч, унц нь 4396 ам.доллар боллоо. Харин мөнгөний үнэ 0.8 хувиар унаснаар унц нь 65 ам.долларт арилжаалагдаж байна.

Алтны ханш сүүлийн үед 4000 ам.доллароос дээш түвшинд хадгалагдаж байгаа нь хөрөнгө оруулагчдын эрэлтээс гадна Төв банкнуудын худалдан авалт сэргэсэнтэй холбоотой. Тухайлбал: БНХАУ-ын Төв банкны алтны нөөц долоодугаар сард 20 тонноор нэмэгдсэн нь 21 сар дараалсан өсөлт болж байна.