(Bloomberg) -- Алтны ханш хоёр долоо хоног дараалсан өсөлтөө үргэлжлүүллээ. АНУ-ын жижиглэн худалдааны дата үзүүлэлт тааруу гарснаар ам.долларын ханш суларсан нь ихэнх арилжаачдын хувьд алтны худалдан авах өртгийг нь бууруулж байна.

Даваа гарагт “Bloomberg”-ийн ам.долларын индекс 0.2 хувиар буурсан нь тус валютаар арилжаалагддаг алтны үнийг нэг талаараа хямдруулж байгаа юм.

Сүүлийн байдлаар алтны спот үнэ 0.4 хувиар өсөж, унц нь 4391 ам.доллар хүрээд байна. Мөн өнгөрсөн долоо хоногт бараг хоёр хувиар өссөний дараа мөнгөний ханш 1.3 хувиар чангарснаар унц нь 65 ам.доллар давлаа.