(Bloomberg) -- АНУ-ын Ерөнхийлөгч Дональд Трамп Ормузын хоолой баасан гараг гэхэд нээгдэхийг дахин тодотгосноор алтны үнэ үргэлжлэн өслөө.

Даваа гарагийн арилжаагаар 2.2 хувиар өссөний дараа сүүлийн байдлаар алтны ханш 0.1 хувиар чангарч, унц нь 4316 ам.доллар хүрээд байна. Харин 2.9 хувиар өсөөд байсан мөнгөний ханш үл ялиг суларч, унц нь 69 ам.доллар боллоо.

Алт болон мөнгөний ханш аль аль нь Ойрх Дорнодын дайны өмнөх үетэй харьцуулахад эрс доогуур түвшинд үнэлэгдсэн хэвээр байна. Хэрэв энхийн хэлэлцээр тогтвортой үргэлжилбэл арилжаачдын алтаа зарах урсгал саарч, эргээд эрсдэлээс хамгаалах хөрөнгө оруулалтын хэрэгсэл болгон ашиглаж эхэлнэ гэж “MKS Pamp”-ийн шинжээч онцоллоо.

Өнгөрсөн хоёрдугаар сарын эцсээр АНУ болон Израил хамтран Иранд цохилт өгснөөс хойш алтны үнэ 18 хувиар унаад байгаа юм.