(Bloomberg) -- АНУ болон Иран урьдчилсан тохиролцоонд хүрснээр Ормузын хоолой нээгдэх боломж бүрдэж, газрын тосны үнэ уналаа.

Өнгөрсөн долоо хоногийн хаалтаар сүүлийн гурван сарын доод түвшинд хүрсний дараа сүүлийн байдлаар брент төрлийн газрын тосны үнэ дөрвөн хувиар буурч, баррель нь 88 ам.доллар болоод байна.

Харин WTI төрлийн газрын тосны ханш 4.5 хувиар суларч, баррель нь 81 ам.доллароор  арилжаалагдаж байна.

АНУ-ын Ерөнхийлөгч Дональд Трамп цахим хуудсаараа "Ормузын хоолойг хаах цэргийн ажиллагааг зогсоож, татваргүй, чөлөөтэй дамжин өнгөрөх боломж олгож байгаа"-гаа мэдэгдлээ. Мөн хөлөг онгоцнуудыг хөдөлгүүрээ асаан, газрын тосны урсгалыг сэргээхийг уриалсан байна.