(Bloomberg) -- Холбооны Нөөцийн банк бодлогын хүүг өсгөнө гэсэн хүлээлт үүссэнээр хөрөнгө оруулагчдын дунд суурь металлуудын эрэлт буурч, зэсийн үнэ уналаа.

Сүүлийн байдлаар Лондоны Металлын биржид зэсийн ханш 0.4 хувиар суларч, тонн нь 13,565 ам.доллар болоод байна. Түүнчлэн цагаан тугалганы үнэ 1.1 хувиар буурч, тонн нь 51,720 ам.доллароор арилжаалагдаж байна.

Дөрөв дэх сардаа дараалан үргэлжилж буй Ираны дайн дэлхий даяар инфляцыг эрчимжүүлж, томоохон Төв банкнууд бодлогын хүүг өсгөнө гэсэн болгоомжлол үүсээд буй. Мөнгөний бодлого хатуурах нь дэлхийн эдийн засгийн өсөлтийг удаашруулж, улмаар металлын эрэлтийг сааруулах эрсдэлтэй.

Хэдий тийм боловч урт хугацаандаа суурь металлуудын хүчтэй эрэлт хадгалагдаж, 2030-2031 он гэхэд зэсийн үнэ тонн нь 17,636 ам.доллар хүрнэ гэж “Jefferies”-ийн шинжээчид үзэж байна.