(Bloomberg) -- Ойрх Дорнодын мөргөлдөөнийг дипломат аргаар шийдвэрлэх найдвар нэмэгдсэнээр суурь металлуудын үнэ нэгдүгээр сараас хойших хамгийн өндөр сарын өсөлтөө үзүүлэх төлөвтэй байна.

Пүрэв гарагийн байдлаар Лондоны Металлын биржийн гол зургаан металлын үнийг хянадаг "LMEX Metals Index" энэ сард 5.5 хувиар өссөн нь сүүлийн дөрвөн сарын хамгийн өндөр үзүүлэлт боллоо. 

Зэсийн үнэ пүрэв гарагт 1.3 хувиар өссөнөөр сүүлийн хоёр долоо хоногийн дээд түвшинд хүрээд байна. Сүүлийн байдлаар бараг өөрчлөлтгүй буюу тонн 13,700 ам.доллароос дээгүүр арилжаалагдаж байна. Энэ сар гарсаар зэсийн үнэ 5.6 хувиар өсөөд байгаа юм.

Үүнээс гадна цагаан тугалганы ханш энэ сар гарсаар 18 хувиар чангарснаар суурь металлууд дунд өсөлтөөрөө тэргүүлж байна.