(Bloomberg) -- Алтны ханш долоо хоногийн дүнгээр бага зэрэг унах төлөвтэй байна. Сүүлийн байдлаар алтны спот үнэ 0.6 хувиар унаж, унц нь 4620 ам.доллар орчимд тогтворжлоо.

АНУ-д инфляц 2023 оноос хойших дээд түвшинд хүрч, Холбооны Нөөцийн банк бодлогын хүүгээ өсгөнө гэсэн хүлээлт үүссэн нь алтны ханшид гол дарамт болж байна.

Үүнээс гадна дэлхийн хоёр дахь том алтны зах зээл болох Энэтхэг улс рупигийн ханшийг хамгаалахаар тус үнэт металлын импортын журмыг чангаруулсан нь эрэлтэд нөлөөлөхөөр байгаа аж.

Харин аж үйлдвэрийн металлуудын эрэлт нэмэгдсэнээр тавдугаар сар гарсаар мөнгөний үнэ 11 орчим хувиар өсөөд байгаа юм. Хэдий тийм боловч сүүлийн байдлаар ханш нь 1.3 хувиар суларч, унц нь 82 ам.доллар болоод байна.