(Bloomberg) -- Арилжаанд оролцогчид Ормузын хоолойн нөхцөл байдлыг үнэлж буй энэ үед алтны ханш тогтворжлоо.

Даваа гарагт 0.4 хувиар өссөн алтны спот ханш сүүлийн байдлаар 0.1 хувиар чангарч, унц нь 4742 ам.доллароор арилжаалагдаж байна. Мөн мөнгөний ханш 0.4 хувиар өсөж, 86 ам.доллар давлаа.

Мягмар гарагт АНУ-ын инфляцын гол статистик гарах товтой байгаа юм. Ираны дайн аж үйлдвэрээс хөдөө аж ахуйн салбарт хүртэл үнийг хөөрөгдсөнөөр хэрэглээний үнийн индекс огцом өссөн гэж эдийн засагчид таамаглаж байна.

Дональд Трамп инфляцын статистик гарахаас өмнө АНУ-ын хэрэглэгчдэд хамгийн их дарамт болж буй үхрийн мах болон шатахууны үнийг бууруулах арга хэмжээг танилцуулсан юм.