(Bloomberg) -- Өнгөрсөн сард АНУ-ын компаниуд 2009 оны эдийн засгийн хямралаас хойших хамгийн олон тооны ажлын байрны цомхотгол зарласныг “Challenger”, “Gray & Christmas” зөвлөхийн компанийн дата харуулж байна.

Нэгдүгээр сард аж ахуйн нэгжүүд нийт 108 мянга гаруй ажлын байр цомхотгоно гэж мэдэгдсэн нь өмнөх оны мөн үеэс 118 хувиар өссөн үзүүлэлт боллоо.

Нэгдүгээр сард цомхотголын тоо ийнхүү дээд түвшинд хүрсэн нь компаниуд 12 дугаар сард аль хэдийн шийдвэрээ гаргасан бөгөөд 2026 оны эдийн засгийн төлөвийг өөдрөгөөр харахгүй байгаагийн илрэл болохыг тус судалгааны байгууллагын шинжээчид онцолжээ.

Үүний зэрэгцээ дунд хугацаанд компаниуд шинээр ажилтан авах төлөвлөгөө нь 13 хувиар буурч, 2009 оноос хойших хамгийн доод түвшинд хүрсэн байна.

12 дугаар сарын байдлаар АНУ-д  нээлттэй ажлын байрны тоо 6.5 сая байсан нь 2020 оноос хойших хамгийн тааруу үзүүлэлт болохыг АНУ-ын Хөдөлмөрийн статистикийн товчоо онцоллоо

Түүнчлэн нэгдүгээр сарын сүүлийн долоо хоногт анх удаа ажилгүйдлийн тэтгэмж хүсэгчдийн тоо 22 мянга давсан нь бүх төсөөллийг давсан үзүүлэлт юм.