“Сүү” ХК 2024 оны эхний хагас жилийн цэвэр ашгийн 30 хувь буюу 3.6 тэрбум төгрөгийн ногдол ашигт хуваарилахаар шийдвэрлэлээ.

Нэгж хувьцаа тус бүрд 10.6 төгрөг тооцож ногдол ашиг хуваарилах юм байна. Тус компанийн цэвэр ашиг тайлант хугацаанд өмнөх оны мөн үеэс 37 хувиар өсөж, 12.2 тэрбум төгрөг хүрснийг тайлагнаж байсан юм.

Ногдол ашиг авах эрхтэй хувьцаа эзэмшигчдийн нэрсийн жагсаалт гаргах өдрийг есдүгээр сарын зургааны өдрөөр тогтоож, 12 дугаар сарын 31-ний өдрийн дотор "ҮЦТХТ" ХХК-иар дамжуулан олгохоо мэдэгдлээ.

"Сүү" компанийн нэгж хувьцааны ханш он гарсаар 23.5 хувиар өсөөд байгаа юм. Хувьцааны ханшаар илэрхийлэх зах зээлийн үнэлгээ нь 146.5 орчим тэрбум төгрөгөөр хэмжигдэж байна.