БНХАУ-ын хэрэглээний үнийн индекс дөрөвдүгээр сард өмнөх оны мөн үеэс 0.3 хувиар өсөж, сүүлийн гурван сар дараалан “тэг”-ээс давлаа. Үүнд зах зээлийн эрэлт сул байгаагаас үйлдвэрийн салбарын үнийн уналт удаан хугацаанд үргэлжилж байгаа нь нөлөөлсөн байна.

Үл хөдлөх хөрөнгийн салбарын уналт болон ажилгүйдлийн түвшин өндөр байгаа энэ үед тус улсын Засгийн газраас өрхийн зарцуулалтыг нэмэгдүүлэх чиглэлд ажиллаж байгаа юм. Зах зээлийн эрэлт суларч, үйлдвэрийн үнэ буурсан нь компаниудын ашиг буурч, хөрөнгө оруулалтын салбар унахад шууд нөлөөлсөн байна.

БНХАУ-ын Хөдөлмөрчдийн баярын өдрүүдэд үйлчлүүлэгчдийн урсгал нэмэгдсэн ч худалдан авах чадвар нь сүүлийн есөн сарын хамгийн тааруу үзүүлэлт болсныг тус улсын Худалдааны танхимаас 20 мянга гаруй жижиглэн худалдаа эрхлэгчдийн дунд явуулсан судалгаа харуулж байна.