“Silvergate” банк крипто төлбөр тооцооны үйлчилгээгээ зогсоохоор шийдвэрлэлээ. Үүнээс өмнө “Coinbase”, “Galaxy”, “Paxos” зэрэг томоохон биржүүд “Silvergate” банкаар төлбөр тооцоо хүлээн авахгүй гэж мэдэгдээд байсан юм.

“Silvergate” крипто төлбөр тооцооны үйлчилгээг бүрмөсөн зогсоосон эсэх талаар мэдээлэл өгөөгүй байна. Тус банкны гол хэрэглэгч болох “FTX” бирж дампуурснаар 2022 онд  ихээхэн хэмжээний алдагдалтай ажилласнаа тайлагнажээ.

“FTX” дампуурах үеэр “Silvergate” банканд тус биржийн хэрэглэгчдийн нэг тэрбум ам.доллартой тэнцэхүйц хэмжээний хадгаламж байрлаж байсан аж. “FTX” биржийн хувьд хэрэглэгчдэдээ 8.9 тэрбум ам.долларын өртэй байгаа юм.