(Bloomberg) -- 7.8 тэрбум ам.долларын Ираны крипто зах зээл дайны үеэр анхаарал татаж эхэллээ. Ираны иргэд, эрх баригчид мөргөлдөөний үеэр хөрөнгөө хадгалах, шилжүүлэхийн тулд крипто зах зээл рүү хандаж байна.

Аналитикийн компаниудын мэдээлж байгаагаар АНУ-ын агаарын цохилтын дараа Ираны крипто арилжааны платформууд дээрх идэвх эрс нэмэгджээ. Энэ нь нийт зах зээлийн үнэлгээтэй харьцуулахад өчүүхэн хэдий ч иргэд аюулгүй байдлын үүднээс хөрөнгөө хадгалах, эрх баригчид хориг арга хэмжээг тойрон гүйлгээ хийхээр ашиглаж байгааг дурдсан байна.

“Chainanalysis”-ийн тодорхойлсноор нийт 2.3 сая ам.долларын хөрөнгө тус улсын арилжааны платформуудаас гарсан нь ердийн үеийнхээс 873 хувиар өндөр дүн болжээ.

Ираны Төв банк АНУ-ын хориг арга хэмжээг зөөлрүүлэх, валютын хямралаас сэргийлэхээр нэг жилийн хугацаанд 500 сая ам.долларын цахим хөрөнгө худалдан авч байсныг “Elliptic”-ийн судалгаа онцолж байсан юм. Нэгдүгээр сард АНУ-аас Ираны крипто арилжааны хоёр платформыг Исламын хувьсгалт гвардийн корпустай холбоотой этгээдүүдийн их хэмжээний хөрөнгийг гүйлгээнд оруулсан гэх үндэслэлээр "Хар жагсаалт"-даа оруулжээ.