(Bloomberg) -- Ойрх Дорнодын дайн ширүүссэнээр “Bitcoin”-ийн ханш дахин суларч эхэллээ. Ням гарагийн арилжаагаар ханш нь 3.3 хувиар буурч, гуравдугаар сарын эхэн үеэс хойших доод түвшинд хүрэв. Дайн эхэлснээс хойш арилжаалагчид “Bitcoin”-ийг зарсаар өмнөх сарын эцэс үеэс хойш  20 орчим хувиар унаад байна.

Энэ нь тус криптовалют дайны үеэр эрсдэлгүй хөрөнгө оруулалт болдог гэх байр суурь өөрчлөгдсөнийг харуулж байна. Хэдий тийм боловч зарим шинжээчдийн үзэж буйгаар Bitcoin” бусад эрсдэлтэй хөрөнгө оруулалтын зарах урсгалд хавчигдсан төдийгүй эрчим хүчний зардал нэмэгдэх эрсдэлтэй байгаа нь Bitcoin” олборлогчдын салбарт сөргөөр нөлөөлөхийг онцолж байна.