Есдүгээр сард БНХАУ-д хэрэглээний үнэ өмнөх оны мөн үеэс 2.8 хувиар өссөн нь 2020 оны дөрөвдүгээр сараас хойших дээд үзүүлэлт боллоо. Хэдий тийм боловч энэ нь “Bloomberg”-ийн судалгаанд хамрагдсан эдийн засагчдын тооцоолсон 2.9 хувийн өсөлтөөс доогуур үзүүлэлт болж байна.

Мөн есдүгээр сард тус улсын үйлдвэрлэгчийн үнийн өсөлт саарч 0.9 хувь болжээ. Наймдугаар сард үйлдвэрлэгчийн үнэ 2.3 хувиар өсөж байсан юм.

БНХАУ-д эдийн засгийн идэвхжил удааширч, суурь инфляц буурч байгаа нь  дефляцын эрсдэл нэмэгдэхээр байгааг харуулж байна гэж “Australia & New Zealand Banking Group”-ийн шинжээч мэдэгдлээ.