Орон сууцны зах зээлийн уналтын улмаас БНХАУ-ын үл хөдлөх хөрөнгө хөгжүүлэгчдийн орлого хамгийн багадаа сүүлийн долоон жилийн доод цэгт хүрсэн гэж “Bloomberg”-ийн шинжээчид  тооцооллоо. Тухайлбал: Эх газрын Хятадад бүртгэлтэй үл хөдлөх хөрөнгийн 60 компанийн 60 хувь нь өнгөрсөн онд алдагдалтай ажилласан гэж таамаглаж байгаа аж.

Харин таван хувь нь л ашигтай ажилласан бол таван хувийнх нь ашиг өмнөх оны мөн үеэс өсжээ. Үлдсэн хувийнх нь ашиг буурсан гэж шинжээчид үзэж байна.

Үл хөдлөх хөрөнгийн салбарыг дэмжихээр өнгөрсөн онд Бээжин барилгын компаниудыг гадаад зах зээлд бонд гаргахыг зөвшөөрсөн юм. Мөн Төрийн өмчит банкнууд зээл олголтоо нэмэгдүүлэхээ илэрхийлээд байна.

Түүнчлэн Ухань хот орон сууц худалдан авах тоонд тогтоосон хязгаараа цуцалсан нь бусад хотууд ч адил арга хэмжээ авна гэсэн хүлээлт бий болгоод байгаа аж.

БНХАУ-д орон сууцны худалдан авалт болон үнэ хэдэн сар дараалан буурсаар байгаагаас үл хөдлөх хөрөнгийн зах зээл Засгийн газрынх нь дэмжлэгээс хамааралтай болоод байна. Үл хөдлөх хөрөнгийн зах зээлийн уналт үргэлжилж байгаа учир компаниуд дунд хугацаанд шинэ төсөлд хөрөнгө оруулахаас болгоомжилохыг "China Index Holdings"-ийн Судалгаа хариуцсан захирал анхаарууллаа.

Хонгконгийн биржид бүртгэлтэй БНХАУ-ын томоохон үл хөдлөх хөрөнгө хөгжүүлэгчид бүтэн жилийн тайлангаа гуравдугаар сарын 31-ний өдөр танилцуулах хуваарьтай байгаа юм.