БНХАУ-ын нүүрсний уурхайнуудын аюулгүй байдлыг зохицуулагч байгууллага Өвөр Монголын Өөртөө Засах Орон дахь 30 ил уурхайн хүчин чадлыг нэмэгдүүлэхийг түр хугацаанд зогсоолоо.

Түүнчлэн уурхайнуудыг гарцаа анхны түвшинд нь хүргэн, бууруулахыг үүрэгдсэн байна. Мөн хоёр уурхайг заасан хугацаанд багтан аюулгүй байдалтай холбоотой зөрчлөө шийдвэрлэхийг хүсжээ. Энэ нь зохицуулагчид хяналтын явцад ӨМӨЗО дахь 32 ил уурхайд осол гарах өндөр эрсдэлтэйг тогтоосонтой холбоотой аж.

Хүчин чадлаа нэмэгдүүлэхийг хориглосон 30 уурхайн хувьд хүчин чадлаа жил бүр нийт 50.1 сая тонноор нэмэгдүүлэх төлөвлөгөөтэй байжээ. Уурхайг тэлэх төлөвлөгөөг цуцалснаар хүчин чадал нь жилдээ 23.5 сая тонноор буурахаар байна.

Энэхүү арга хэмжээ нь БНХАУ-д хоёрдугаар сард болсон 50 гаруй хүний аминд хүрсэн уурхайн ослын дараа аюулгүй байдалд дахин анхаарах болсныг тодотгож байна.

Уурхайн ослын дараа ӨМӨЗО-ы зохицуулагч нар ил уурхайнуудад аюулгүй байдлын шалгалт явуулж эхэлжээ. ӨМӨЗО нь БНХАУ-ын нүүрс олборлолтын хоёр дахь гол бүс нутаг бөгөөд нийт уурхайнуудынх нь тал гаруй хувь нь ил уурхай байдаг аж.

Энэ оны эхний гурван  сард ӨМӨЗО 312.38 сая тонн нүүрс олборлосон нь БНХАУ-д олборлосон нийт нүүрсний 27 хувийг бүрдүүлжээ.