БНХАУ-ын Хэбэй болон Шаньдун мужийн зарим компаниуд нийлүүлэлт хомсдож, зардал өссөнтэй холбоотойгоор коксжих нүүрсний үнийг тонн тутамд 100-110 юаниар өсгөх санал гаргаад байна.

Хоёрдугаар сарын 22-нд ӨМӨЗО-д томоохон осол гарсны улмаас БНХАУ уурхайнууддаа аюулгүй байдлын шалгалт явуулахаар болсон юм. Ингэснээр нийлүүлэлт тасалдана гэсэн хүлээлт нэмэгдэж коксжих нүүрсний үнэ өсөж байгаа аж.

Одоогоор хяналт шалгалт олборлолтод хараахан нөлөөлж эхлээгүй байгаа ч ган үйлдвэрлэгчдийн дунд эрэлт өссөөр байна. Зах зээл сэргэснээр дунд хугацаанд түүхий эдийн эрэлт өсөх төлөвтэй байгаа ажээ.