“BMW” болон “Mercedes Benz” зэрэг автомашин үйлдвэрлэгчид БНХАУ-ын цахилгаан автомашинд ногдуулах 10 хувийн татварыг 35-45 хувь болгон нэмэгдүүлэх санал хураалтыг дэмжихгүй байхыг Германы эрх баригчдад анхаарууллаа. Европын Холбоо аравдугаар сарын дөрвөнд БНХАУ-ын цахилгаан автомашинд өндөр татвар ногдуулах санал хураалт явуулах юм. Татварыг нэмснээр БНХАУ-тай “Худалдааны дайн” эхлүүлэх эрсдэлтэй гэж үзэж байна.

Европын Холбоо татвар ногдуулахын оронд хэлэлцээр хийх талаар бодолцох  хэрэгтэйг “Mercedes Benz” компанийн Гүйцэтгэх захирал Ола Каллениус байр суурьтаа илэрхийлжээ.

Европын зах зээлд БНХАУ-ын цахилгаан автомашины эзлэх хувь 2020 оны байдлаар 1.1 хувь байсан бол 2023 онд 6.9 хувь болж нэмэгдсэн байна.