“Эрдэнэс Монгол” компани БНСУ-ын “Кум Яанг” ХХК-тай чухал ашигт малтмалын чиглэлээр харилцан ойлголцлын санамж бичиг байгууллаа.

Энэ хүрээнд чухал ашигт малтмалын чиглэлээр хамтран ажиллах гэрээний нөхцөлийг бүрдүүлнэ. Мөн хамтарсан судалгаа хийх, хүний нөөцийг чадавхжуулж, хамтарсан төсөл хөтөлбөрүүдийг хэрэгжүүлэхээр байгааг “Эрдэнэс Монгол” компани мэдээллээ.

“Эрдэнэс Монгол” компаниас чухал ашигт малтмалуудыг неодиум, лити, никель, зэс, жонш, төмөр зэрэг элементийг тодорхойлоод байгаа аж. Эдгээрийг Монгол Улсын эдийн засагт маш чухал нэмэртэй гэж үзэн зах зээлийн чиг хандлага, нөөц нэмэгдүүлэх боломж, аж үйлдвэржилтийн сэргэлтийн бодлогод тулгуурлан гаргасныг мэдээлэв.