“Tesla” компани III улиралд БНХАУ-д 249 мянган нэгж цахилгаан автомашин нийлүүлснээ тайлагналаа. Энэ нь өнгөрсөн оны санхүүгийн сүүлийн улиралд хүрч байсан дээд үзүүлэлтээ шинэчилсэн үзүүлэлт болов. Мөн Шанхайн үйлдвэрийн нийлүүлэлт нь гурван улирал дараалан өссөн байна.

БНХАУ-ын Засгийн газраас авч хэрэгжүүлсэн хуучин автомашинаа цахилгаан автомашинаар солих бодлого “Tesla”-ийн өсөлтөд голлон нөлөөлсөн байна.  Мөн есдүгээр сард нийт 88 мянган нэгж “Model 3” седан болон “Model Y” спорт загварын цахилгаан автомашин нийлүүлсэн нь өнгөрсөн оны мөн үеэс 19 хувиар өссөн дүн боллоо.

БНХАУ дахь борлуулалтын өсөлтийг эс тооцвол өнгөрсөн улиралд “Tesla” компани олон улсад  462.8 мянган нэгж цахилгаан автомашин нийлүүлсэн нь зах зээлийн хүлээлтэд хүрсэнгүй.

Пүрэв гарагт тус компанийн Гүйцэтгэх захирал Илон Маск урт хугацаанд хүлээлт үүсгээд буй “Robotaxi” болон бусад шинэ бүтээгдэхүүний талаар мэдээлэл өгнө. Энэ нь дараагийн улирлын өсөлтөд нь эергээр нөлөөлж магадгүй гэж үзэж байна.