“Таванбогд трейд” ХХК-ийн охин компани “Мон бийф” компанийн энгийн хувьцааг нийтэд санал болгохыг зөвшөөрч үнэт цаасны бүртгэлд бүртгэхээр шийдвэрлэснийг Санхүүгийн зохицуулах хороо мэдээллээ.

Тус компани нийт хувьцааныхаа 30 хувь буюу 64.2 сая нэгж хувьцааг эргэлтэд гаргахаар төлөвлөжээ. Нэгж бүрийг нь 45 төгрөгөөр тооцон, 2.9 тэрбум төгрөг татан төвлөрүүлэхээр төлөвлөсөн байна. Төвлөрүүлсэн хөрөнгөөр Төв аймагт махны үйлдвэр байгуулна гэж тус компани мэдээллээ.

“Мон бийф” компани 2021 оны тавдугаар сард байгуулагдсан бөгөөд дотооддоо эрчимжсэн мал аж ахуйг хөгжүүлж, зах зээлд гарал үүсэл нь тодорхой үхрийн мах нийлүүлж байгаа аж.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com