БНХАУ-ын “Xiaomi” компани 6.44 инчийн дэлгэцтэй “Mi Max” хэмээх ухаалаг гар утас шинээр танилцууллаа. Тус компанийн зүгээс энэхүү бүтээгдэхүүнээ “Халаасанд багтах гар утас” гэж тодорхойлсон байна. 16 мегапиксел камертай, хурууны хээ таньдаг энэхүү ухаалаг гар утасны үнэ 1499 юань буюу ойролцоогоор 230-310 ам.долларын үнэтэй зарагдах юм байна. Мөн ихэнх ухаалаг гар утаснуудаас хэмжээ, чадлын хувьд илүү том байгаа аж. Тухайлбал “Apple”-ийн “iPhone 6”-ийн цэнэг хураагуур нь 2915 миль ампер чадалтай байхад “Xiaomi”-ийнх 4850 миль ампер байгаа юм. Үүнээс гадна хоёр сим карт, нэмэлт мемори карт оруулах боломжтой юм байна. “Хүмүүс хүссэн контентийг өөрт таалагдах байдлаар харах боломжийг бүрдүүлж байгаа учраас гар утасны хэмжээ том байгаа нь санаа зовних зүйл биш” гэж “Pocket Lint” веб cайт дүгнэжээ.

Т.Элиса

Холбоо барих: elisa.t@bloombergtvmongolia.com

minjma.g@bloombergtvmongolia.com