Австралийн Хөрөнгийн биржид бүртгэлтэй “Xanadu” компани хамтарсан хөрөнгө оруулалттай “Mongol Metals” компанийг байгууллаа. Энэ хүрээнд тус компани Монгол Улс дахь зэсийн хайгуулаа өргөтгөнө гэж тооцоолжээ. “Xanadu” компани нь зэс, алтны “Оюут-Улаан” ордод геофизик болон геохимийн судалгаа хийж, 780 метрийн гүнд судалгааны өрөмдлөг явуулсны дүнд 36 метрийн гүнд тонн хөрс тутамд 1,49 хувийн зэсийн баяжмалд 1.02 грамм алт агуулагдаж байгаа бол 85 метрийн гүнд тонн хөрс тутамд 0.75 хувийн зэс, 0.54 грамм алт агуулагдаж байгааг тогтоожээ. Түүнчлэн “Xanadu” компани дараагийн шатны судалгааг эхлүүлэхээр төлөвлөж байгаа аж. 

Т.Элиса 

Холбоо барих: elisa.t@bloombergtvmongolia.com

minjma.g@bloombergtvmongolia.com