“Microsoft” компани үйлдлийн системийнхээ дараагийн хувилбар болох “Windows 10”-ийг ирэх долдугаар сарын 29-нд гаргахаар болсон талаар даваа гарагт мэдээллээ. “Windows 7” болон “Windows 8.1”-ийг ашиглаж байгаа хэрэглэгчид “Windows 10” үйлдлийн системийг үнэгүй татаж авч хэрэглэх боломжтой байх ажээ. Мөн нэг дор дэлхийн 190 оронд ашиглах боломжтойгоор нээлтээ хийнэ гэж тус компанийн зүгээс мэдэгдсэн байна. Долдугаар сарын 29-нөөс хойш худалдаалагдах “Microsoft”-ийн төхөөрөмжүүдэд энэхүү үйлдлийн системийг суулгасан байх юм байна. Үүнээс өмнө 2013 онд “Microsoft” компани “Windows 8” үйлдлийн системээ гаргасан нь бүтэлгүйтэж байсан юм. Харин энэ удаагийн хувилбар нь амжилттай болно гэж тус компани найдаж байгаа ажээ. 2018 он гэхэд “Windows 10” үйлдлийн системийг дэлхий даяар нэг тэрбум төхөөрөмжид ашиглана гэж “Microsoft” компани тооцоолжээ.

Б.Дуламхорлоо

Холбоо барих: dulamkhorloo.b@bloombergtvmongolia.com

minjma.g@bloombergtvmongolia.com